دم الحسين بكربلا
عبرة بلا نهاية
و بأمر من رب العلا
بتضلـّها راية
و رح قول إثباتي على
ذكرو بلا غاية
سجودي على قرص الصلا
الـ من تربتو جايي
**
منعرف بإنو بكل زمن
في كربلا جديدة
و كربلا هيدا الوطن
غصّة و تنهيدي
موسى الصدر يللي نسجن
يتّم مواعيدي
و غير القصايد و الشجن
شوطالع بإيدي
**
موسى الصدر يللي اختفى
بليلة بلا أنوار
و بغيبتو قلبي حفا
ماشي عـ جمر و نار
و يا شمر لو طال الجفا
يا معمّر الغدار
نحنا و أمل بو مصطفى
مناخد سوا بالتار
**
موسى يا شمس شروقنا
عا طلـّة التكوين
حبّك حرمنا حقوقنا
تـ نعيش محرومين
بالقلب زادو حروقنا
و مين اللي سائل مين
و حيدر علي معشوقنا
نحنا الحسينيين
**
