أمثال شعبيه مفيده

1-من عاشر القوم أربعين يوم صار مثلهم.
2-كلاً يرى الناس بعين طبعه.
3-من سدد ديونة نامت عيونه.
4-اللي ماعنده فلوس يقدر يحوس.
5-زينة المرأة نسلها وزينة النخله حملها.
6-كثر الكلام يجيب الملامه.
7-اذا طريت الجلب جهز له العصا .
8-حط فلوسك في الشمس وقعد في الظلال.
9-لو تكد كد الوحش غير رزقك ماتحوش.
10-اللي ماعنده حيله يلعب التيلة.
11-الصديج قبل الطريج.
12-أبو طبيع مايجوز عن طبعه.
13-اذا بغيت صاحبك دوم حاسبه كل يوم.
14-اذا حبتك عيني ما ضمك الدهر.
15-اذا حجت البقر على قرونها.
16-اذا طاح الجمل كثرت سكاكينه.
17-اسأل مجرب ولا تسأل طبيب.
18-اش حادك يالمسمار ؟ قال :المطرقه.
19-إصرف مافي الجيب يأتيك مافي الغيب.
20-اقضب مجنونك لايجيك اللي اجن منه.
21-إما طلعه ولا طبعه.
22-إن طاعك الزمن ولا طيعه.
23-إنطر ياحمار لما يجيك الربيع.
24-إنفخ ياشريم قال ماكو برطم.
25-الباب اللي يجيك منه الريح سده وإستريح.
26-بات مظلوم ولاتبات ظالم.
27- بغاها طرب صارت نشب.
28-يبي يكحلها عماها.
29-بغيناه عون صار فرعون.
30-راعي النصيفه سالم.
31-شمامها لمامها.
32-طارت الطيور بأرزاقها.
33-طقاق روحه مايصيح.
34-الطول طول نخله والعقل عقل اصخله.
35-عتيج الصوف ولاجديد البريسم.
36-اللي عمره ماتبخر تبخر وإحترق.
37-قال: عندك تاكل. قال: عندك تغرم قال إي.
38-كثر الدق يفك اللحام.
39-لين فات الفوت ماينفع الصوت.
40-اللي في الجدر يطلعه الملس.

اتمنى تعجبكم



منقول لزيادة المعلومات