▓▓ منتديات الامام الصدر ▓▓

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

    قصيدة((( عيد الطفل وعيون أمه))) عراقيه

    شاطر
    avatar
    حسن حسين فقية
    مشرف قسم أهل البيت عليهم السلام
    مشرف قسم أهل البيت عليهم السلام

    عدد المساهمات : 2432
    نقاط : 3528
    تاريخ التسجيل : 24/09/2009
    العمر : 58

    منقول قصيدة((( عيد الطفل وعيون أمه))) عراقيه

    مُساهمة من طرف حسن حسين فقية في الأربعاء مارس 09, 2011 11:19 pm

    قصيدة((( عيد الطفل وعيون أمه))) بمناسبة العيد مهداة لكم جميعا




    السياسي يگول (عيد) النظر في كل المشاعر...

    وطفر شايب
    أيييييه موتنه الصيام (العيد) باچر....

    چا أنته يابو اليتامه شوكت تفطر؟
    دنيه تگضيهه صيام!!؟
    البارحه ذبوا عله چتافك حملهم
    البارحه برگبة طفل شدوا حبلهم
    البارحه حته الورد گالوا حرام............

    شلون هديت اللسان أعله المناجل
    باچر أتيه الكلام..........

    شلون تنسه الباب مفتوح أعله كبره؟؟
    وتقفل عيونك صدگ بالشمع الأحمر
    وانه گتلك لاتنام!!!!!

    صدگ يابو الغيره چا يمته النهار؟؟
    نريد هسه العيد منك ياعراق
    كافي ملينه الدرب والإنتظار
    ولاتسولفلي أعله ماضي
    الأنتصار...
    الإندحار.......

    كله واحد

    إحنه هسه نريد نفرح
    گوم أهلنه تريد من عدنه الشمس
    بس الشمس تگدر تفت عظم الصليل

    الدم أمانه برگبة المسجونه روحه
    يصير للحريه دمه أول سبيل

    ومن يطيح تخر أله وتسجد الجنه
    تدلي گطراته الضوه أعله بيوت أهلنه

    أهتز وحرك ضميرك
    لاتچلب بالكراسي.......
    ذوله (ناسی)
    النسوا كلشي من أجل تصعد عليهم
    وأنته ( ناسی).....

    آنه شاعر قلمي بچفي عروس
    ومهري الدم
    لو گطعته
    الظلمه تتگطع بديه
    والشمس تنزل عليه
    ويلتگلي تعباك اللون الاصفر

    أنت تعرف شنهو معنى اللون الاصفر؟
    الگاع صفره....
    وجه امي اللون الاصفر
    چف ابوي اللون الاصفر........

    طفل عالشباچ واگف ينتظر جية الفراش
    وجته فراشه الرصاصه
    وطاح يم باب الله ينزف.....

    نزف دمه
    ونزف لونه
    ونزف حته اللون الاصفر.......

    والصفار البیه صعد فوگ السمه
    بس مو صفار.....

    دمه چلّب بالسمه
    وهلال صار....

    وامه یومیه تودیله سلام
    دموع من عيونهه يزتهه الحمام.......

    وهو طش العيد من عالي السمه
    وخضر عراق...........

    وعيييد.......
    عيييييد..........
    عادت الفرحه عله عيون الطفل وعيون أمه
    ونزفت عيون العراق

    وكون كلنه نرد لهلنه ويرجع ويانه العراق
    كون كلنه نرد لهلنه ويرجع ويانه العراق

    ميثاق الهلالي

      الوقت/التاريخ الآن هو الأحد فبراير 25, 2018 7:18 pm